Şöbə müdirinin müavini

Satınalmalar və təchizat zəncirinin idarəolunması şöbəsi

VƏZİFƏ ÖHDƏLİKLƏRİ:

• Dövlət satınalmaları üzrə prosedurların Azərbaycan Respublikasının qanunvericiliyinə və Cəmiyyətin daxili normativ sənədlərinə uyğun təşkilində və icrasında iştirak etmək;
• Satınalma planına uyğun olaraq satınalma prosedurlarının vaxtında və səmərəli həyata keçirilməsini təmin etmək;
• Satınalma proseslərinin planlaşdırılması, koordinasiyası və icrasına nəzarət etmək;
• Cəmiyyətin büdcəsində nəzərdə tutulmuş xərc maddələri üzrə satınalma və qiymətləndirmə proseslərində iştirak etmək;
• Satınalma prosedurları nəticəsində bağlanmış müqavilələrin icrasına, mal, iş və xidmətlərin vaxtında və müqavilə şərtlərinə uyğun təhvil-təslim edilməsinə nəzarət etmək;
• Təchizat zəncirinin fasiləsiz fəaliyyətini təmin etmək məqsədilə aidiyyəti struktur bölmələrlə koordinasiyalı fəaliyyət göstərmək;
• Beynəlxalq və yerli logistika proseslərinin, o cümlədən daşımaların və gömrük əməliyyatlarının koordinasiyasına nəzarət etmək;
• Anbar ehtiyatlarının optimal səviyyədə saxlanılması, inventar hərəkətinin izlənilməsi və anbar qalıqlarının səmərəli idarə olunmasına nəzarət etmək;
• Daxil olmuş satınalma sifarişlərinin prioritetləşdirilməsini, müvafiq satınalma prosedurları üzrə qruplaşdırılmasını və icrasına nəzarəti təmin etmək;
• Satınalma, logistika və anbar fəaliyyətinin təkmilləşdirilməsi məqsədilə təkliflər hazırlamaq və proseslərin optimallaşdırılmasında iştirak etmək;
• Şöbənin fəaliyyət planlarının, dövri hesabatlarının və rəhbərlik üçün analitik məlumatların hazırlanmasında iştirak etmək;
• Fəaliyyət istiqaməti üzrə keçirilən iclas, görüş və digər tədbirlərdə Cəmiyyəti təmsil etmək;
• Şöbə müdirinin tapşırığı əsasında digər xidməti vəzifələri yerinə yetirmək.

TƏLƏB OLUNAN BİLİKLƏR:

• Azərbaycan Respublikasının dövlət satınalmaları sahəsində qanunvericiliyi və digər normativ hüquqi aktları;
• Satınalma prosedurları və müqavilələrin idarə olunması prinsipləri;
• Logistika və təchizat zəncirinin idarə olunması;
• Anbar təsərrüfatının idarə olunması prinsipləri;
• Büdcələşdirmə və satınalma planlaşdırılması;
• Risklərin idarə olunması prinsipləri;
• ISO 37001:2016 "Korrupsiyaya qarşı mübarizə üzrə menecment sistemi" standartının vəzifə səlahiyyətləri çərçivəsində tətbiq olunan tələbləri;
• MS Office proqramları (xüsusilə Excel) və satınalma üzrə informasiya sistemləri iləişləmək bacarığı.

DİL BİLİKLƏRİ:

• Azərbaycan dili – əla;
• İngilis dili – yaxşı;
• Rus dili – arzuolunandır.

TƏHSİL:

• Texniki, iqtisadi, idarəetmə və ya digər müvafiq ixtisas üzrə ali təhsil.

İŞ TƏCRÜBƏSİ:

• Satınalma, logistika və ya təchizat zəncirinin idarə olunması sahəsində minimum 5 il iş təcrübəsi;
• Minimum 3 il rəhbər və ya idarəedici vəzifədə iş təcrübəsi.

İŞ QRAFİKİ:

• Həftədə 5 iş günü;
• Gündə 8 saat (40 saatlıq iş həftəsi);
• Nahar fasiləsi: 13:00–14:00.

ƏMƏK HAQQI VƏ ƏLAVƏ İMTİYAZLAR:

• Əmək haqqı Cəmiyyətin daxili dərəcələndirmə və mükafatlandırma sisteminə uyğun müəyyən edilir;
• Yerli və beynəlxalq təlim və inkişaf proqramlarında iştirak imkanı;
• Müəyyən edilmiş idman mərkəzlərindən limitsiz istifadə imkanı;
• Nəqliyyat xidməti;
• Rəqabətli mükafatlandırma və sosial təminat paketi.

Maraqlanan namizədlər öz CV-lərini mövzu yerinə "Şöbə müdirinin müavini" yazaraq [email protected] elektron ünvanına göndərə bilərlər.